Lange Nacht der Kirchen 2015

馬不停蹄，喺意大利返嚟嗰晚29號係奧地利嘅Lange Nacht der Kirchen. 呢晚全國好多教堂都會開到深夜。咁當然呢段時間會安排啲特備節目娛賓啦.而我就揀咗兩間去參觀。。。因為。。。大家睇完就知.
Breitenfeld, 地址 Florianigasse 70.

7 p.m.去到啱啱開始個guided tour上塔頂。

去到中間部份可以休息一吓,睇吓風景。但係因為我哋呢批係先頭部隊，上塔頂嘅路係冇打掃過. 一個大風吹入嚟，塵埃飛揚。。

再上去係好直嘅梯級,睇嚟有80幾度.。我呢團只係有兩位小朋友唔敢上.

 

好辛苦上到嚟。除咗睇風景，個guide仲叫人睇吓兩隻白鴿嘅屍骨.

落番嚟腳仔都軟晒。好彩呢個時候啱啱好地下個敘利亞檔口開檔.

其實呢間教堂好多敘利亞人去. 呢日特別賣吓啲手作仔同民族嘢.

仲有佢哋家鄉美食.

8歐一碟連飲品. 由底下個波波左至右有falafel, 唔知乜肉包, 綠綠地嘅唔知乜香草似似地食肉鬆, 三角形係菠菜加石榴所以係微酸, 芝士包, 沙律似係有parsley, dill ，紅洋蔥，番茄同couscous. 全部都好食.

之後再去 Schwedische Gemeinde A.B und Finnische Gemeinde A.B. in Österreich,地址 Gentzgasse 10.

我叫佢瑞典芬蘭同鄉會啦.

佢哋個教堂係喺呢間屋嘅地牢。唔係好大.

間cafe有書賣

又有雜貨。

另一邊我估係圖書館啦.

呢度一樣有嘢食賣。自己定價。 
左邊入面係salami味嘅肉醬. 中間個食唔出係乜. 右邊係肉桂包。