檸檬胡椒雞

某日睇咗一個配咗德文嘅英國烹飪節目。見佢個檸檬胡椒雞好似幾好味.佢一路講我一路快快手抄低個煮法。
速記呢個食舖可見我個腦係中英德文混雜。英文係主導。
記得有次上培訓（德文的），坐我隔籬嘅同學好奇問我>你係中國人乜原因我jot note時係用英文寫嘅呢.

解釋一吓上邊只有我睇得明嘅食譜啦.
醃雞用嘅醬＞＞兩個檸檬皮＆檸檬汁，蒜蓉，芥末（個醃汁係比較杰,芥末比例要多啲），蜜糖同大量黑胡椒粹撈勻。
焗盤舖上檸檬片，薯仔, rosemary後.  放上雞肉，倒上醃汁.

個汁好好味呀！但係我嘅薯仔焗咗成個鐘都唔熟呢。