Open House

節錄自 9月11東方
今年已是第23年舉辦的Open House London，旨在為普羅大眾提供一個可以深入窺探倫敦多個知名建築的平台。今屆將會有多達747個著名建築開放給公眾免費參觀.

而Open House Wien有82個古今建築開放畀人參觀. 預告過我會去八八. 9月12,第一日去咗我屋企附近嘅先.

F6 The Open Factory. 唔覺有乜特別。

Heumühle (Hay Mill) 喺住宅群中零零丁丁有間屋。原來十四世紀時已有.原本係磨坊。

室內保存咗木結構。

依家係一間公司嘅office.

12號嗰日太多活動，分身不下. 其他建築都係留番第二日(9月13)先去睇.
Sargfabrik. 係前工業地發展嘅住宅。只保留咗工廠嘅煙通。 

屋頂有個花圓。

仲入咗兩個單位參觀。複式，幾正.

大廈地庫係一個小型公眾泳池。

對面又有一棟舊工廠改建嘅建築物Wirtschaftspark Breitensee.

有露台呢part係住宅。

型啲呢part係office,但係我冇join guided tour參觀.

跟住出返市中心呢棟住宅大樓。(一個單位係超大)

古時門鐘係入咗個lobby先有咁古怪。

開放嘅係二樓嘅Bridge Club. 以前係住家。
呢度特別係佢個室內設計。係一百年前知名奧地利室內設計師Adolf Loos嘅設計. 好似係窗邊嘅弧形梳化。

中央吸塵機個喉位..

間屋超大,喉位只有上面嗰個。咁可想而知條喉有幾長。Loos就設計咗呢個假門口用嚟掛條喉嘞。

好大嘅廚房。

呢個設計同喺捷克Pilsen參觀過嘅差唔多.好有佢個人風格。

趟門.

又可以咁開.

另一間房百年前係咁.

依家係咁.改變唔大.
又因個設計係受保護文物，唔可以垃聯更改。個guide話有塊玻璃爛咗,要跟指引換要好多錢, 又冇資助。冇錢換呢.

又一 Loos風格設計。

窗簾個製。

之後去Ehemalige Länderbank (Former Provincial Bank). 呢度係奧地利建築師Otto Wagner設計嘅第一座公眾建築物。1883年興建。

我估係保溫原因,lobby拱頂有三層。

Bank hall.

Bank hall個玻璃天花有兩層。

入呢間房。。。

...其實係睇佢隻門. 
因為要match出面啲門. 隻門係兩邊開,一邊大,一邊細。