https://www.youtube.com/watch?v=8Prb-r_SVzU
食譜中落椰絲，以前喺酒樓嗰啲冇個喎,所以冇加.
360g 奶，55g 糖， 少少鹽，57g 粟粉.
粉類撈勻，用三分一奶混合好啲粉後，落晒啲奶，中火煮至杰.待涼，入冰箱雪佢一個鐘。
用45g 生粉, 210g 凍水,少少鹽，45g 油，158g 麵粉，6g 發粉整炸漿。所有材料撈好等廿分鐘後可以用.
凝固咗嘅奶漿切件,點上炸漿炸. 番炸一次後可以享用.
以上份量話可以整三十舊，所以我減咗半。 口感似炸布典，唔似酒樓嗰啲咁滑. 味道都幾好.鬼鬼猛話好食.
好甜蜜……冧死鬼！
回覆刪除得糖冇蜜喎.
刪除中文唔啱聽唯有用英文啦！
刪除王子同鬼鬼都係So Sweet， 呢次王子再改卷都話有錯，我覺得王子一定有姦情，我就揾第三方查卷喇！
氹得鬼鬼咁開心，咁鍾意你，雖然中間發生咁多嘢，你同鬼鬼一齊一定有下次啦！（係寫天菜，唔好誤會喎！kakaka）
寫咁大堆嘢搞到我都唔知你噏乜. 乜天菜呀？？
刪除嘩！厲害！
回覆刪除只係功夫多,其實唔難。
刪除做咁多功夫, 有咩企圖呀你
回覆刪除炸鮮奶梗係有椰漿啦,唔夠滑係你炸得太耐, 黑哂咁.
做咁多功夫,仲要我係唔太好食添喎.
刪除我以為炸耐啲個心會熔嘛.
粟粉份量減番少少，就會滑啲，有流心效果
回覆刪除咁下次減番d.
刪除你真係好犀利喎。
回覆刪除見唔難咪試吓囉.
刪除我都係今次去中山食咋。以前怕食有奶味的食物，大左想食，但又唔係咁易有得食。
回覆刪除Video話依家香港酒樓好少有.
刪除我都很怕多功夫的食物，好似炸琵琶豆腐，炸雪糕等等……況且未必啱自己胃口！
回覆刪除你一講琵琶豆腐，炸雪糕,想搵吓食譜添。
刪除中餐甜品多數係糖水，啱唔啱你個鬼鬼朋友呢？:p
回覆刪除糖水我完全唔好,一定唔會喺我廚房出現。
刪除鬼鬼都 like, 證明好成功 ^^
回覆刪除係好味㗎，只係口感唔似咋.
刪除Btw你可以改用椰奶加椰絲整畀某人食喎.
嘩! 咁都整到勁呀！
回覆刪除呢一味我記得係多年前一次卜友聚會時，係一間酒樓度第一次食到，好味~
你細個時冇食過? 唔通嗰時已經唔興。
刪除王子你好強呀! 連炸鮮奶都整埋
回覆刪除我都鍾意食呢個咖, 不過只是會係出面餐廳叫嚟,
炸鮮奶係呢邊好似唔當係甜品..好似當主菜
至少我上次去個間餐廳係
珮夫人
我都唔知佢係咪主菜。你知啦飲茶鹹鹹甜甜撈亂食.
刪除食咁多炸嘢你又唔熱氣真係好嘢.....係咪飲得啤酒多解返?
回覆刪除啤酒我飲一兩啖咁多㗎咋.
刪除我到而家都唔鍾意食奶味既野....LADY M 奶味都好重, 我都唔愛....哈哈!
回覆刪除奶味重我又唔係全部唔食,有啲都好食嘅。
刪除