Kłodzko

11月5波蘭友人回鄉拜山兼入貨。我又跟埋去.
一個鐘到咗奧地利捷克邊景。

Total坐四個鐘到咗波蘭入貨點地Kłodzko.

睇番個blog，原來我已經有三年冇嚟。

去咗啲小店。

又去咗呢間超市。

好多嘢都平過奧地利，入了一車貨。（廁紙比較過,唔平）

買呀買，三點幾四點先去食lunch.

紅菜頭湯配krokiety. 兩樣我都好耐冇煮過. 件krokiety大大件. 飲完食完都半飽。 12 Zloty 大約2.8歐咋.

主菜我食豬扒飯。冇諗過佢係炸豬扒,但係咁煮你都估到係唔脆㗎啦。份量好大. 20 Zloty約4.6歐, 超抵!

友人食豬肉餃。好豬味.我麻麻.

薯片好多味道選擇。看圖識字。有kebap味 ,燒茄子味我估.
即食麵都買，有紅菜頭湯底。 
又買咗即開湯粉,係發酵麵包做嘅。酸酸地,好味㗎。 買包cornflakes只因個packing.
同場加映最近喺我呢度超市買嘅紫色紹菜。生食味道冇普通紹菜咁濃。放水煮食味冇分別，但係煲出嚟啲水係藍色的。

另一pack即開湯粉, 看圖識字, 應該係豆湯。 
罐頭就看圖都唔知係乜肉。

呢隻入面有條草嘅伏特加我至愛。 Orangina平過我度多多聲。

冷凍食品,煮咗好似湯圓嘅東東,個皮唔厚，肉餡。幾好食.
最左係炸酸菜卷。唔係話唔好食,但係肉餡嘅好食好多囉.

煙芝士。左邊嗰款麻麻. 右邊嘅係我想要嘅食味同口感。
我度唔多興食煙芝士,超市只有意大利貨，但唔及波蘭嘅好味.