捷克邊境一天遊

1月27星期日難得賓賓friends唔使返工而我又得閒, 於是約埋嚟個捷克邊境一天遊. 地點由我決定，係夏天時去過嘅Lednice。
遊客熱點，星期日泊車要錢的。但係冇人有捷克銀仔喎, 點入咪錶呢? 於是走入一間酒店問職員唱.

冬天嚟遊人少好多.

慢慢睇.

啲角我估係真嘅。

之後諗住去附近嘅Mikulov食lunch順便city tour（因為嚟過幾次都冇真正行過呢度). 點知上次去嗰間餐廳冇開。城中其他餐廳一樣冇開。去下一個目的地又要成個鐘，會餓C喎. 於是決定返奧地利搵食.
離開Mikulov冇幾遠，未到奧地利，經過一間餐廳。入去問吓有冇嘢食啦. 個waitress點點頭。就喺度解決啦.

坐定定之後個waitress走咗去. 應該係叫醒個廚房。再等等等都未攞個餐牌嚟。原來英文同德文版係新鮮google translate出嚟。（個waitress喺邊境打工居然唔識德文同英文,所以冇交代就走開咗）Btw德文嘅翻譯好爆笑。
每人連一杯汽水平均只係十歐。大大份,抵食。味道都唔差。

食飽，但因為等食用多咗時間, 所以取消下個目的地,返奧地利。途經上次嚟過嘅邊境小鎮Valtice。停一停畀團友影吓相啦.

喺奧地利又想tea 一 tea喎. 於是介紹大家去Poysdorf嘅一間cafe. 
一杯嘢，一件cake，平均每人六歐。兩國物價真係差好遠。