Freedom Day

3月5 係可喜嘅日子。呢日奧地利解除（差唔多）所有嘅防疫措施喇（雖然仍然每日三萬新確診）。

取消強制疫苗接種。(搞個大龍鳳，話係歐盟首個國家強制打疫苗。原來維持得一個月. )

餐飲業全面恢復正常運作。同時無須檢查健康碼。

學校唔使戴罩。但仍然要做檢測。

取消免費嘅PCR Test。（睇德國嘅報導，因為奧地利嘅PCR Test係免費同方便，可以喺屋企自己做。維也納一日嘅檢測數量係德國全國嘅兩倍。）

返工唔需要健康碼。

去超市，老人院，藥房，郵局，銀行仍然需要戴N95。
 

今次維也納搞一國兩制。冇打針仍然唔可以去食肆。PCR Test 維持免費, 搭公共交通工具仍要戴N95。

放寬，其實係政治考量。衛生局局長係反對嘅。政府唔聽專家意見，咁局長佢就兩日前擗炮唔撈嘞。