一日身處四國 WFH

3月7 一日身處四國 WFH（註＞我有開住手機check公司email㗎）。

首先離開克羅地亞（1）, 去斯洛文尼亞（2）。

經過德國A字頭集團超市喺斯洛文尼亞嘅分店，睇吓有冇我上次覺得好飲冇酒精嘅Radler （啤酒溝果汁）。

上次嗰隻係溝菠蘿汁，唔見有。於是買咗同牌子嘅溝檸檬& rose hip。一樣好飲。

支酒因為招紙幾可愛，買咗。又幾好飲嗰喎。

好似角仔嘅曲奇餅（榛子醬餡），好食。

居然發現韓國樂天嘅香口珠，仲要係BTS。

約廿分鐘車，嚟到意大利邊境（3）入貨。

入境意大利要預先網上填入境表。特別之處係要標明邊個時間喺邊過口岸入境，再填呢日入住酒店資料。完成後會有個QR code畀你。但係我喺呢個口岸冇人check 你。

雞牌我呢邊只有risotto米。原來印度米都有出。買！
脫水risotto其實我呢度依家都買到其他牌子。但係喺意大利多款式囉。

亦買咗墨汁同蜆肉嚟整意粉。

D&G 特別版。特別在邊呢?

Tagliolini蛋麵喺奧地利主流超市已經買唔到。

甜點款式也實在太多，買唔晒。

意大利復活節，聖誕都好興呢啲大大盒嘅包。

買完嘢就返奧地利（4）。入境有軍哥檢查健康碼（乜唔係取消咗防疫措施嘅喇咩? ）

是日嚟到Villach浸溫泉, 又係夜場。

隔籬嘅火車站。

夜場五點開始。22,50歐包埋桑拿區。

Villach呢度四圍都仲有積雪。

朝早八點只有零下四度。