泰國 - Day 15 Koh Tao 遊船河

1 月 12 book 咗一個環島浮潛團, 550 baht 包 lunch buffet 。會停五個海灣。

會有司機車去碼頭。免費借用浮潛用品。但係講明每部份遺失咗嘅價錢。友人因為落水一刻跌咗一個部件，最後要畀罰款 150 baht。

首先嚟到呢個私人島嶼 Nang Yuan Island。登島，外國人 250 baht，泰國人 50 baht （排我哋後面嘅泰國人 show 咗佢哋張飛畀我哋睇）

嚴禁帶膠樽，鋁罐，蛙鞋上島。入口有工作人員檢查。

有個半鐘嘅自由活動時間。可以選擇登上 viewpoint，或浮潛。

但係工作人員話呢日人多上山，去到仲要排隊打卡。唔建議我哋上去，玩吓浮潛好喇。

島與島之間有沙灘連接。我因為冇預計係要落船，所以冇帶拖鞋。咁我就唔行沙灘嘞。

另外島上嚴禁使用沙灘巾（有旅客無視呢個規定）。話會帶走呢度靚靚嘅沙喎。

之後話因為風浪，唔可以環島。佢哋會安排另外四個海灣畀我哋。

除咗包 luch buffet （係得我碟中嘅呢幾款），亦有免費茶點。

有職員帶領邊度有機會見到海龜。

不善游水嘅可以著救生衣，亦有浮板畀你扶住。

有職員會喺船上同海中同大家影相。可以免費喺佢哋嘅社交媒體帳號睇番。

呢度叫 Shark Bay，因為海中呢個島仔似鯊魚鰭喎。

如果唔係體力不支，係唔可以爬上海中嘅石頭，因為有珊瑚BB喎。

去到水深夠嘅位置就可以玩滑水梯。

嚟到最後呢個灣 Pinnacle。

職員千萬吩咐唔可以上沙灘。可惜我聽唔明佢啲泰國口音英文。

旅程中除咗魚友人們都見到海龜，海參，海膽同珊瑚。

我唔落水，當遊船河都幾正。