泰國 - Day 5-8 Khao Sok

1 月 2 - 5 Khao Sok.

火車原定7:15到達。AI 話通常都會遲到的。

下一站嘅廣播只得泰文。如果唔望出去都唔知原來已經到埗。比原定時間遲咗十五分鐘。

因為知會遲到，所以冇一早book定車轉去目的地。

火車站一出就有好多車拉客。求其跟咗個阿姐，點知係帶我哋去茶餐廳。原來呢度亦負責幫人叫車。

飲吓嘢，一邊等。去我哋目的地併車每人300 baht。

約兩個鐘車到咗Khao Sok National Park。

旅客服務中心。

少少嘅展覽。

我哋嘅客棧。

團友們指定住宿地方要有泳池。

二人屋。

要同佢哋同居。

國家公園入口就喺隔籬。

得閒就行吓鎮中心。

耳測呢度最多係德文遊客，然後係英國人。

喺度三日，除咗本地遊客就唔見其他亞洲人。

喺呢度可以自費join 好多嘅戶外活動。

1 月 3 團友們join 咗個遊湖嘅一日團。大熱天時我完全冇興趣，於是獨自hea。

呢度另一出名嘅團係幫大象沖涼。但係冇團友們有興趣，佢哋覺得利用動物做景點。

我就一早話唔會join。大象臭，又要濕身同佢沖涼，又唔可以搽蚊怕水。咪搞。

晚飯後掃街食甜品。

芒果糯米飯，芒果雪糕，Khao Mao, Roti (Traditional Thai pancake; 呢個係香蕉餡，淋啲煉奶。)

1 月 4 各自活動，我就跟人行國家公園。入園一日票200 baht。

有野生馬騮（相中間位置）。

象出沒注意（遇唔到）。

目的地。

友人都好似佢哋咁過吓冷河。

呢個範圍起就要有導遊先可以行。

小賣部。

回程

現實情景。

來回三個鐘。正好可以去洗衫舖攞番啲衫。

接近3kg，216 baht 三個鐘後攞得。烘乾，摺好。。

1 月 5 石仔路唔易拖篋，於是叫客棧車我哋去長途巴士站。五分鐘車程 50 baht 一位。

點知有人跌咗隻錶唔知。老闆司機特登揸返嚟拎番畀我哋。想畀貼士佢，佢已經走咗。唯有喺網上平台畀好評呢間客棧啦。