泰國 - Day 3 （下）曼谷 除夕度數

 12 月 31 約十點睇完恐龍，一出嚟就係海傍。

咁多人喺度等。應該係會睇到煙花。

咁喺度買啲嘢食等啦。點知附近只有間cafe。選擇少。於是大家想去超市買嘢，見入我哋呢個範圍有安檢。唔知出咗去會唔會話人多唔畀人入。咁就決定喺cafe門口旁坐低等。食pizza要等一個鐘，去廁所（女廁）大約一個鐘，吹吓水，兩個鐘到凌晨其實好快過。

見有龍友個鏡頭對住聖誕樹嘅方向。我哋呢個位應該係冇揀錯啦。

未到凌晨啲人突然個個起哂身好興奮。原來放煙花嘅蜑船正正喺我哋呢個位。

身邊各種語言嘅倒數聲後，煙花綻放。

煙花約十分鐘。呢度唔近地鐵，咁慢慢等人潮散去先諗方法走。

排吓廁所。去餐廳?  附近嗰啲已經滿座。

搭電單車? 見一樣塞到郁唔到。

一直行一直行，見有餐廳有吉嘅四人枱，於是六個人坐低食吓嘢。服務超級慢，正合我哋意。

行反去酒店要兩個鐘。有團友建議網約車，點知冇車嚟。截的士，叫價2000 Baht.

比網約車貴好多。最後（可能因為團友嘅美色）有架四人的士肯載我哋六個人。最後三點先返到酒店。同某喺曼谷住嘅香港KOL 講嘅一樣，酒店唔係河邊嘅，起碼兩三個鐘先返到酒店。