泰國 - Day 3 （上）曼谷 Calypso Cabaret

12 月 31 大除夕好遲先出發。一來養精蓄銳夜晚活動。二來因為冇行程，用咗好多時間先達成共識。

首先有人話要去Central World 嘅 Uniqlo買嘢。我因為已經買咗，所以行咗一圈就喺 Paul 食住等。

夜晚有倒數活動，未入夜呢度已經人山人海。

有人話要睇Calypso Cabaret 嘅人妖 show。我又想去Jurassic World 喎。啱晒!

買完飛後另外有人先話除夕要睇煙花。問問AI，原來Asiatique 都可以睇到。咁去到先算啦。

其實未出發嗰位人士話要去Icon Siam睇煙花的。上網睇吓點樣先可以睇啦。原來1800張免費飛下晝兩點派發，我哋一點幾仲喺酒店。取消呢個念頭啦。

酒店幫我哋call 車。想七點到，酒店話怕塞車5點半要出發喇。

塞車預咗。未到埗，有人人有三急，忍無可忍，一定要落車。於是就喺路中心撇低架車。大家齊齊等佢然後徒步去目的地。

去到只得三十分鐘自由活動時間。大家都去買嘢食。我就去咗Big C買熟食食。

Show 我就覺得麻麻，因為似睇女舞蹈員。我都係鍾意睇drag queens 多啲。

原來亦有男團。

最後咪嘴All I want for Chritmas 完結。

我哋冇團友想同啲姐姐影相（每位姐姐100 Baht）