連續兩日去咗Heuriger食嘢

終於奧地利國產士多啤梨登場喇. 奧地利士多啤梨簡直係信心保證, 一定甜. 超市最平2.50 euro 1kg. 喺士多啤梨園自己摘唔使2 euro 1kg. 於是前日約埋朋友一齊去

一個最近維也納嘅士多啤梨園. 點知去到已經閂咗,一粒士多啤梨都冇,要等下轉收成.

山長水遠黎到. 咁就改去咗一間Heuriger食嘢. Heuriger喺奧地利獨有嘅餐廳形式. Heuriger大部份係喺葡萄園度. 期間限定.

葡萄開始結果

坐定定,waiter就黎take order (飲品). 大多係賣自家白酒. 嘢食通常冇menu,要自己去counter叫. 有嘅嘢會擺晒出黎. 一定會有火腿,芝士,腸,豬油,麵包,沙律,醃菜. 揀好咗就即刻俾錢(飲品係走嗰陣先埋單).

呢間有燒肉Kümmelbraten食. 食咗一半先記得影相. 奧地利serve燒肉係薄薄一片.

奧地利人真係好鍾意去Heuriger. 噚日另一位朋友請我去另一間Heuriger.

Heuriger大部份都係傳統鄉村屋嘅裝修

嘢食就係咁樣show晒出黎

後面一pat pat嗰啲係豬油

沙律

黑色嗰兩條係豬血腸