波蘭Małopolska地區四天遊- Zakopane(下)

睇完間博物館,
行去食lunch時經過Zakopane最舊嘅教堂.

都係木造架.

教堂隔離多數有個墳場.呢度都唔例外.墓碑都係木雕嚟.

呢個就係Zakopane
style木屋始創人Stanisław
Witkiewicz個墓喇.

呢個墳場啲墓碑真係好有特色.我想睇耐啲架.但係班奧地利酒鬼飲咗啤酒後人有三急,係都話要走,搵廁所.

經過Zakopane最舊嘅餐廳,但係我哋唔係去呢度食喎.

我哋嗰間係centre行人專用區第一間.

都係木屋一間.

侍應都著咗呢度嘅民俗服裝.

個湯有煙排骨.主菜係spare
rib都好大份,好飽.

食飽飽,又車咗我哋搭吊車.但係都要行一段好長嘅路先到吊車站.

個山峰叫Kasprowy
Wierch有1987米高.

山上氣溫10C,接近山頂見有啲雪都未溶.
同一車有個著吊帶背心,迷你熱褲嘅金髮亞裔少女.導遊問佢邊度嚟架(美國人).我哋係上山,得幾度佐喎.唔係去沙灘播.佢個反應係>Oh!
It's nice. 聽佢咁講覺得佢真係黐線(定係佢唔想同陌生男子講嘢呢).於是本地導遊借咗件風褸畀佢.條件係佢要跟我哋行.

山上超大霧,乜都睇唔到.

咁咪又去hea囉.
到搭吊車落山.亞裔少女入唔到閘. 原來佢只係買咗單程票.(賣飛嗰個又係嘅.見佢咁嘅裝束都唔係行落山架啦.溝通唔到都用吓common
sense 吖嘛) 我哋有車到,佢仲排梗隊買飛.咁攞番件褸走人lu.(唔知佢有冇凍C咗).

呢晚住呢間酒店.

好似好出名咁.有好多疑似名人嘅簽名.

食晚飯行去市中心好似都用咗大半個鐘.見呢度啲廣告柱都好有地方特色,上邊有少少木雕架.

行到行人專用區.

入咗呢間酒店食.

飲咗呢個波蘭酸菜湯.又有條排骨.幾好味.導遊話呢間啲嘢都幾貴,係平常double價錢.

呢度有音樂伴奏.但係我哋啱啱坐隔離,好鬼嘈.食完快快走人.

導遊可能以為啲傳統音樂嚇怕咗我哋,佢話帶我哋去蒲.去另一間啲傳統音樂好啲嘅.

一路行都見其他餐廳都有呢啲傳統音樂表演.

我哋去咗上圖最左一間食燒烤嘅餐廳.大家又飲伏特加.

唔知係咪奧地利人懶係有音樂修養.佢哋話奏得唔好聽喎.

呢度又有個小插曲.
話說團友冇晒波蘭錢,咁佢同導遊唱€10(=
40zł ).但係導遊只有一張50zł
,於是佢問侍應唱啦.問咗幾個(歐洲啲侍應自己都有個銀包架)都話冇.個導遊嬲得滯問serve我哋個waiter如果我哋用100zł埋單係咪冇得找先(佢之後翻譯番我哋知).個waiter先C晒狗咁幫我哋唱.解釋原因係10pm過後所有錢都交咗畀老闆.導遊話依家波蘭仲有以前共產時代啲作風.