波蘭Małopolska地區四天遊- 邊境

個trip最後一日.因為前一晚落大雨,我哋個plan
B呢日會係hea喺酒店然後直出克拉科夫.
但係朝早只係微微雨,行程唔改,向邊境出發.就因為咁令呢日非常難忘.

第一個目的地係Niedzica個Dunajec
Castle.

因為呢日係禮拜日,落雨天都好多人嚟.太多人嘅原因個售票counter居然突然唔賣飛.個導遊要同佢理論,話我哋特登由奧地利嚟考察,我哋都只係7個人....最後都放行.導遊話喺波蘭你係要爭取架.

個城堡1310年興建,以前係匈牙利王族嘅(以前呢度係匈牙利國土).

裡面啲嘢你見只係咁欄住都知唔舊得去邊.

對面個廢堡就係波蘭王族嘅.

快快睇完,我哋就行去堤壩.

經過波蘭餃子檔,先諗起成個trip都冇乜食過波蘭傳統食物.

由堤壩影番過去城堡應該係最靚,可惜個天....

堤壩有幅3D畫.

然後我哋去咗波蘭同斯洛伐克邊境Sromowce遊船河.
因為要縮短個船河時間,我哋去咗第二個檔口.www.flisacy.pl
 
隻船就係咁.坐位仲係濕嘅添.又唔抺乾佢.

船程正常係兩至三個鐘,因為落雨水流急,船夫話個半鐘就可以.可以帶定嘢飲架.

落咁大雨...

好凍嘅天氣下(我估只有10度以下,呢日要開暖氣架)擔住把遮個幾鐘,手都僵.

有幾靚風景都冇心機睇.

呢段河係分隔波蘭同斯洛伐克.

呢邊已經係斯洛伐克.

導遊話最佳遊船河季節係秋天.我都可以想像得到.

條河有幾處係急啲,但係一啲都唔刺激.

大叫問佢哋係邊度人,係斯洛伐克人.

斯洛伐克國境到此.條河會屈番入波蘭.

終於見到目的地.

隻船都載晒水.

目的地Szczwnica.

到步時已停雨.

船夫件民俗服裝終可亮相.

褲又濕,又凍,真難忘.

我哋冇遊Szczwnica,直接坐車去食lunch.

又係木屋.

因為太凍,導遊特登同我哋order咗熱茶溝伏特加.

食完lunch,直出克拉科夫.原先導遊想安排一個鐘喺克拉科夫shopping.但係奧地利團友以維也納機場標準,只有一個鐘喺機場check
in係唔夠.所以極力要求直出機場,唔shopping.好彩我醒目前一日喺酒店check咗in就標咗去超市買手信咋.最後喺機場當然大把時間剩.個機場都唔係好忙.