波蘭Małopolska地區四天遊 – 雜記

喺克拉科夫見唔同地方都有呢個嘢.

一班小朋友著住民俗服裝.但係因為唔想撇甩個導遊所以冇追住影.

克拉科夫唔多見麵包店,但係通街都係麵包檔.

喺條街有好多呢啲city
tour兜客.我呢啲亞洲面孔當然係佢哋target啦.入夜又有好多人兜客,今次係睇脫衣舞.我哋呢班麻甩當然又係佢哋target啦.

某啤酒

唔知乜意思

維也納阻街嗰啲違例泊車會被人吊走.呢度就lock你個輪.

好有親切感呢.

呢間導遊介紹嘅克拉科夫物產.

做手信幾好

可惜last
day冇得shopping.

學波蘭文時間>
Lody見好多.應該係雪糕咁解.

我以前其實唔係好care有冇汽,有汽仲好.但係我個醫生叫我唔好飲咁多有汽水.咁咪聽吓佢講.買水時都睇吓有冇汽.但係波蘭文係乜呢?
我拎咗兩枝比較,一枝係Niegazowana,另一枝係係GazXXXX.邊枝係呢?
Common sense話我知Gaz係gas掛.
Nie斷估即係NO啦.又冇買錯喎.一買買咗枝大.因為唔知會唔會去埋啲山卡啦.
Keep番個細樽袋喺背囊.

鎖匙插牆.匙卡開燈嘅前身?

大家估吓呢啲係乜?
Zakopane見有好多賣.初初以為係麵包.但係又見佢有啤痕.蠟燭?

食得架.

有一檔畀我試食.問個亞婆係咪cheese.佢唔識聽.但係用德文問佢又識喎.一碌佢開價10zł
,有衝動買架喇.好彩仲有理智.我個亞洲人仲唔係水魚.又唔知正常係乜價錢.最終都冇買.最後發現機場仲平過佢開個價.你話亞洲人係咪水魚呢.

呢區酒店早餐都有得食.煎咗再點一種莓嘅jam食.鹹鹹甜甜幾好食.

酒店dinner
high class版.
Zakopane當地導遊話呢
啲係煙羊奶芝士.因為好多人買又唔夠羊奶,出邊好多都溝咗牛奶.買就最好去農場買.

另一間酒店早餐同以自己煎.

去咗間博物館認識咗啲芝士個模係咁樣.

呢個trip見好多餐廳去廁所都收錢.多數1zł.呢間2zł貴架喇.

手信介紹>去鹽洞,
啲手信當然係鹽啦.有食鹽,有浴鹽

超市手信有

即食麵(原來波蘭都好普遍,另一波蘭牌子電視都有廣告),
伏特加因為之前見波蘭朋友都係買呢隻.咁我自己去搵呢隻買.
可樂個罐有2012歐國杯個logo.
因為奧地利唔興honey
roasted peanuts.有次見一間高檔超市有,德國出嘅.一啲都唔似美國嗰啲.買花生又係斷估.都唔知邊隻係添.咁睇成份有個字似sugar.又買啱喎.但係味道都唔似美國貨.
啫喱粉奧地利冇架(印度人舗頭先人),喺波蘭見有,買番啲啦.
另外條木株連係傳統服飾嚟架.已經送咗畀人lu.

有睇開我個blog都知我去旅行鍾意買postcard同郵票.但係睇吓個行程知道冇乜機會去郵局.當喺克拉科夫間大學hea梗嘅時候,見紀念品店有郵票賣.入去問,個收銀哥仔話要買postcard先賣郵票架.佢哋唔係郵局,只賣郵票冇錢賺架.咁我呢個cheap精咪買一張囉.然後叫佢show晒啲郵票我睇.都唔知係咪我太靚仔,搞到收銀哥仔暈基浪.
pack 我啲嘢時pack埋我畀佢啲錢.我梗係話佢知啦.