4齣戲

上星期睇咗4齣戲.

Lockout.係講未來.美國總統個女上咗一個太空監獄探望囚犯.因為某原因一個犯返擊,放咗其他犯.於是男角被派上太空救人....

都係嗰啲英雄救美嘅故事,都幾緊張嘅.

Spy
Kids 4D

好似我搵到嘅日本poster咁講係史上最初嘅4D(唔計主題公園嗰啲).

4D係要有動感,有氣味.一間普通戲院冇特別裝修,唯一可以整到嘅係氣味.....

全靠呢張卡.螢幕show邊個number,你就刮邊個number.

我見張卡都有食物標籤.唔知係咪要攞食品安全批文. 齣戲美國舊年八月上,依家先喺我呢邊做.我估香港都一早上咗.

故事講小朋友個亞媽係間諜,要捉一個時間大盜.咁兩位小朋友一齊幫手.

齣戲有好多電腦特效.
3D好立體.

The
cold light of day.

男角同家人到西班牙出海.點知佢買完嘢返嚟,屋企人被綁架咗.事因佢老竇原來係CIA,佢有個喼有兩幫人都想要.老竇不幸C咗,男角要喺21個鐘內要搵出佢老竇知道啲乜嘢秘密同救佢屋企人....

好緊張嘅動作片,大部份都係喺馬德里拍攝.睇風景都抵.

最後睇咗50/
50. 個戲名指係生存機會.

因為男角有日背痛,睇醫生發現生cancer.齣戲就係講佢接受治療...

咪以為呢齣係睇到眼淚狂驃嘅傷感戲,其實係一齣喜劇.啲對話好鬼抵死.
4齣戲中最鍾意呢齣.香港上咗未呢??