博物館夜晚open day

6月21維也納有四間博物館夜晚open
day,免費入場.

其中國立圖書館有個奧地利旅遊業海報展覽,一直想睇.但係因為以前去過又唔想因為多咗幾幅poster畀錢入場喎.呢晚免費,啱晒.

當日有導賞團架.但係我唔係100%明,都係自己睇好過.

有各個年代,奧地利唔同地方旅遊海報.最舊嘅有成百年.

以前奧匈帝國個版圖都幾大.匈牙利關事啦.

好似係波蘭Krakow.

Ragusa初初唔知係邊度.但睇吓個景,再睇埋地圖.即係大家去克羅地亞一定會去嘅Dubrovnik.

我覺得遺憾係納粹年代嘅posters只有圖片睇.
奧地利已經係德國一部份.捷克嘅Znaim
(Znojmo)已經劃入奧地利.

納粹年代奧地利唔係一個國家,奧地利呢個名唔可以出現.咁奧地利嘅上,下奧地利州都改咗上,下多瑙.

重光之後,大家都將旅遊小冊子上有關德國嘅字眼劃咗去.

展覽亦展出一啲旅行相.
Abbazia,即係我去過冇幾耐嘅Opatja.但係唔認得係邊度.

1974年我屋企啲相係黑白架,呢度已經有彩色相.

原本只係想去睇posters.但係見另一個博物館Papyrusmuseum都有新嘢睇.咁又去埋.

都有導賞團架,我又係唔跟.

Papyrus

喺Papyrus書寫嘅工具

特別展覽主要係介紹埃及出土羅馬時代嘅遺物.

有布料,

木乃伊個殼都係用有papyrus成份.

呢個殼show咗木乃伊原本個人樣.因為佢有鬚,所以相信係成年男子喎.(唔使佢講我都知啦.話係女仔就寄啫)

仲有嗰時啲木乃伊都會插個C人相.可惜當年只注重發掘木乃伊,呢啲C人相畀人揼晒.現存只有千幾幅

墓碑.

又有修復古物嘅工具睇吓.

快9點,快閂門.只係去得兩個博物館咋.