我的除夕活動

德國friends 嚟咗維也納過年. 約咗喺cafe見,之後就一齊去Leopold Museum. 

呢日博物館早收,around 5pm開始我哋嘅除夕行大運. 首先去Maria Theresien Platz個年宵...

即係Xmas market,仲係賣聖誕嘢.

但係多咗個舞台. 係除夕活動Silvesterpfad新加嘅一個站. 有小朋友show睇. 

btw德國friends話維也納啲熱酒賣四歐,貴過佢嗰邊.

Silvesterpfad City Hall站.

有隊Abbariginal唱Abba 啲歌,但係好難聽.

Löwelstraße有Blues.....

Freyung有Flamenco, Salsa, Tango

Teinfaltstraße 嘅Glückmeile. 有好幾檔占卜. 有啲似去咗廟街.

仲有幾個站,但係啲friends話攰,唔行. 咁早啲去我度開餐啦. 

預備咗好幾款小食,有兩款係交功課嘅. 遲啲出post先介紹.

呢個想整香茅墨魚丸. 可惜失敗咗. 好濕同好散.

仲有三款未上台,但係啲friends話好飽好飽. 要求食甜品. 我只係整咗brownie. 佢哋好飽都食咗幾件. 可能真係有甜品胃喎.

hea飽, 11點帶埋汽酒再出市中心睇煙花.

食吓意頭嘢Glücksfisch. 要提點德國friends要由尾食起. (代表一路向前)

有個奧地利friend送咗隻marzipan豬仔.

另一個奧地利friend送咗古力金幣同鼻C咁大嘅豬仔.

又食又飲又收小禮物都幾忙,冇乜留心睇煙花添.  

英雄廣場實在太多人. 都係我提議呢個位置好. 但係氣氛差咗少少. 冇音樂. 啲人又唔會倒數架. (咁我哋都冇)

散場時地鐵站塞滿人. 有人提議不如行去一間bar, 原來都幾近我屋企架.

呢間幾有良心,飲品係普通餐廳價錢. 仲有意頭豆湯食,免費的. 不過好鹹呢.