星期六好忙.
首先去咗屋企附近個小廣場.
呢日有個仙人掌同blog友叫肉肉嘅植物market.
憑coupon可以有一盆代表我住呢區嘅Margarete.
下晝Mariahilferstraße購物街有個Peace
Parade.
有好幾架貨車裝咗大喇叭播techno
music. 啲人跟住跳舞.
往年都有呢個活動.
但係覺得今年啲車好求其.
參加嗰啲好多都好似迷幻青年.
附近有個跳蚤市場又封咗街.
又係年年一樣.
咁轉入橫街睇吓.
原來呢邊係小朋友用品.
仲有小朋友自己睇檔.
Peace parade 有冇特別主題，反戰？反歧視？
回覆刪除我wiki咗,好似係係反racism, sexism
刪除小朋友自己睇檔，生意會唔會多啲？
回覆刪除咁又唔知喎.
刪除有無迷幻埋一份？
回覆刪除睇人迷幻都頂唔住.
刪除你唔拎d舊嘢去擺檔揾返d使用$_$
回覆刪除喂 ,點解冇左我頭像架???點樣整返出黎呀????hELp!!!
刪除係喎. 下次投番個檔先.
刪除我仲以為你唔想見人添. 你睇吓我的網誌右手邊你個樣度可唔可以upload過啦.
奧國生活多姿彩！
回覆刪除但係年年都差唔多
刪除肉肉啱我呀))))))^^
回覆刪除咁好架,有花送~~
呢個market啱你.
刪除唔攞真係蝕底.
人咁多......好難好relax去行.....
回覆刪除小朋友知唔知自己被攝了?
唔知架.
刪除我諗.....你都冇邊日唔得閒？
回覆刪除kakaka,又好似係喎.
刪除你可以開檔賣野食！
回覆刪除煮少少都可以, 煮多多去賣我估未必應付到
刪除好熱鬧啊！
回覆刪除仲好嘈添.
刪除平時周街擺賣會唔會好似香港有差人拉架？
回覆刪除聽講係犯法. 唔知係咪呢個原因呢度係冇走鬼檔架.
刪除有免費野攞点會蚀底
回覆刪除係我本色
刪除多肉的植物唔易種, 適宜乾爽天氣...奧國是嗎??
回覆刪除呢排H.K.唔種得, 日日濕度都90%以上...
咁呢度真係幾乾爽
刪除D花咁有代表性？點解？ 係咪你個鎮周圍都係呢D花？
回覆刪除我呢區個名同花名一樣
刪除巡遊好有秩序!
回覆刪除呢個要讚.
刪除唔知點解peace會同迷幻掛勾嘅？
回覆刪除可能techno music比較吸引咗d迷幻青年
刪除雖然係免費，但揸住咁大盆花周圍行會唔會好麻煩？
回覆刪除你點知嗰啲係迷幻青年？有乜特徵？
個market o係我屋企附近嘛. 拎咗返屋企先再出去巡.
刪除打扮啦, 行為啦. 好多都好似企唔穩咁.
都係覺得你那裏好多節日咁
回覆刪除真係幾多吓.
刪除咁多人擺街檔係咪有啲似鴨寮街
回覆刪除咁又冇咁迫,又冇咁垃圾feel囉.
刪除細路仔都可以睇檔, 厲害!
回覆刪除唔知有冇人同佢哋講價.
刪除小朋友好叻噃識自己睇檔。我最憎就係techno music，又嘈又煩。
回覆刪除techno music我都唔多like.
刪除你玩埋種花，就梗係忙啦！
回覆刪除沐水啫嘛,有幾忙呢??
刪除種花要同佢傾計唱歌，佢先靚架！唔懶得呀！
刪除講開又係喎. 以前HK office個外判園丁都係咁講話要同佢傾計.
刪除開大喇叭, 係咪好有MK feel?
回覆刪除嘈十倍都有.
刪除除咗花仔有冇其他嘢攞呀 :P
回覆刪除冇啦. 邊有咁多免費o野.
刪除日光日白d迷幻青年就出動啦...XDDD
回覆刪除唔迷幻都可以係醉酒
刪除食大麻犯法嗎?
回覆刪除犯法架我呢邊.
刪除