植物展銷會，文學博物館

星期六嘅第二場去咗植物地公園個Raritätenbörse植物展銷會.

巨型蟹爪蘭?

肉桂味嘅羅勒. 真係有少少肉桂味㗎。

種咗係咪有松露嘅先?
睇到呢度開始落雹。唔係好大粒冰，但係都係走人嘞。

回家後又再出動。新開嘅文學博物館今日免費入場。

呢度以前係皇室檔案館。

書架係法定古物，唔可以拆。

奧地利文學我真係一啲都唔識。要錢當然我唔會嚟啦.

而吸引我睇嘅同文學都冇乜直接關係. 好似呢位文學家二次大戰時逃難去上海。啲文件啲中文好日式。

古時pop up book.

莫札特魔笛首演時嘅場刊。

某女文學家18XX年出遊時嘅passport, 去到New York嘅人口登記記錄。

同佢去南美時嘅防風沙面罩。