Erdäpfelnidei mit Sauerkraut

喺Werfenweng時買咗本鄉村菜食譜。

左揭右揭，揀咗呢個 Erdäpfelnidei mit Sauerkraut嚟煮.
btw鄉村菜好多時都係用個鑊仔上。據食譜嘅資料講，原來以前係一大鑊上枱然後分嚟食㗎. 而酸菜係冬天時常食,因為以前冬天冇乜蔬菜選擇。

350g 薯蓉,250g 麵粉，兩隻蛋， 一湯匙牛奶， 150g 牛油。
除咗牛油,將所有材料搓好.切出2cm x 2cm嘅粒粒. 用牛油煎香，配煙肉酸菜食.

搓搓吓,魔法王女主持上身...吓，點解嘅～嘩，點解會咁嘅？個麵團好鬼濕喎. 原來我冇睇清楚個食譜,連牛油我都搓埋落去. 
太濕冇辦法切出好四正嘅粒粒.但係錯有錯着,啲粒粒好有牛油味囉.另外我有現成煙肉酸菜,所以冇跟佢煮喇.

酸菜同呢啲粒粒一齊食係好夾㗎。