蛋

蛋我只係去某超市買，因為佢最平。

盒面列咗到期日，XX日期前出售。奧國貨，冇基因改造，指定標準嘅黃豆餵飼。

 而每隻蛋都有編號。

分別係種類，產地,農場，到期日.

0 係有機. 一平方米只可以有6隻雞。 走動空間要有8平方米。奧地利再嚴啲，要有10平方米。

買平蛋我都有要求的。有機我唔多信,極少買。多數我買一號。走地雞蛋。走動空間奧地利有8平方米。雞隻可自由散步。

二號都係極少買. 因為係冇花園散步.
呢個喺啲video見過 .雖然都係走地,但係喺室內，不見天日. 見佢哋咁慘，所以盡量唔買。

三號雞籠養。 奧地利係禁咗,所以係買唔到三號蛋的。

一號蛋大size, 一盒十隻，2.1X歐。最平㗎喇。