避寒

前日已經返咗維也納。
我嘅避寒地點Opatija其實都唔係暖好多咋,溫氣高十度左右啦，得三四度.

仲要只係到步嗰日好天,之後日日都落雨,邊度都唔想去.唯有留喺中心煲紅白大賽。

避寒中心有兩晚喺lobby為院友安排咗Wiener Philharmonia Quartett嘅concert. 

佢哋四位都係維也納管弦樂團嘅成員。Concert都有一個鐘㗎。

尾二嗰日想去入貨，落雨都要出一出去.

海面風平浪靜，洗頭艇都冇隻。

某酒店同往年一樣嘅聖誕裝飾。

Market hall前都有樖聖誕樹。

喺克羅地亞我一定食嘅Kulen腸。味道似似地salami但係腍身嘅。(今日見我去開間肉類outlet都有入呢款腸，仲要平過喺當地買。以後唔使買返奧地利。)
可樂罐個design原來奧地利已經出過.

見有Kulen腸味薯片買嚟試吓.....
中伏！味道一啲都唔似。

Stay咗三晚,又返回白色世界。

以為難民問題過境會好嚴啦. 點知入神根區(斯洛文尼亞）時,畀passport佢,佢望都唔望就畀你過. 過奧地利仲求其，passport都唔問你攞,直行直過. (相中入奧地利嘅車龍原來只係假象）。