2020年4月7日星期二

抗疫匯報

大家可能都知到強國嘅口罩外交。奧地利都有份中伏.
早前奧地利派咗專機去強國攞貨。之後部份運咗去奧地利自古以來不可分割嘅Südtirol(前奧地利領土,依家係意大利所有)。
最近意大利當地網上平台話呢啲口罩唔合格。噚日奧地利經濟部長證實有關消息。
都唔知係咪收貨時好似強國on 9部咁講,冇睇說明書呢??
(以上消息喺奧地利主流媒體被滅聲, 唔覺有報導過.)

與其唔啱用,不如退番嚟奧地利啦.
因為噚日開始去400m²以上嘅超市或藥粧店一定要戴口罩(或幪面)。部份超市免費派(我去嗰間唔主動派,可能想慳成本啦),另一集團就要收一歐一個(最少要買三個). 政府話超市收番成本價係OK嘅。(以下係網上圖片)
見可以幪面,我就冇打算買嘞。DIY口罩都費事. 因為N年前唔知係邊到攞咗呢啲免費嘅outdoors headwear, 終於大派用場。
喺超市除咗要幪面,入去仲一定要推購物車。原因係超市可以控制顧客人數(唔放咁多車,就唔會有好多人入得到去),另外又可以用架車保持社交距離。

Btw噚日奧地利政府喺度吹佢哋嘅防疫措施幾有先見之明, 依家疫情受控喇, blah blah blah。。 慢慢生活可以回復正常。
400m² 以下嘅舖頭復活節後可以營業,但顧客要幪面。 
5月1 其餘舖頭,shopping malls, 髮廊可以開.  餐廳,酒店就要等到5月中. 但禁止至到6月尾嘅所有大型活動。

31 則留言:

  1. 要幪面/口罩先可以進入超市做得好好
    但hk始終無哩d法例,偶然都有人唔帶口罩

    回覆刪除
  2. 你加張除晃紙巾入去擋飛沫啦,乜事頭毛都白哂,染架

    回覆刪除
    回覆
    1. 其實個個都戴應該唔會再有飛沫啦?!
      小鮮肉變咗小臘肉啦,唔使染。

      刪除
  3. 保護好自己,唔好怕麻煩。

    回覆刪除
  4. 頸巾咁夏天會焗到出汗痱。
    近距離接觸或人多地方用醫護口罩,因為靜電夾層才可黐住病毒,佢細到可穿布架。

    回覆刪除
    回覆
    1. 呢度夏天唔會點出汗嘛.
      其實呢邊人多極都有限。

      刪除
  5. 台灣都有口罩外交。主要派南美如Venezuela,歐洲都有。台灣本土口買口罩要實名際,4月9日起,成人口罩將從原來的7天購買3片,改為14天9片;小孩口罩則從7天5片口罩,改為14天10片。

    回覆刪除
  6. 我呢度而家吹緊禁令會延長

    回覆刪除
  7. 網上好多流言蜚語,謠言傳來傳去,無為相信
    中國只是基於人道相互幫助,所以捐防疫出物,派出醫療隊
    而覺得中國別有用心,可以唔要,好似丹麥咁咪好囉,唔要協助,自己搞掂
    荷蘭佢貪平買防塵口罩...就話購買中國的口罩質素唔合歐盟醫療標準,可以退貨呀
    好似美國去搶別國救命物資,無人指摘,哩啲就喺外國標準

    回覆刪除
  8. 王子你咁樣出街,真係防到疫症? 都真係再加 D 保護好D喎!

    回覆刪除
    回覆
    1. 我呢邊嘅理論>咁樣唔係防疫,只係保護他人.

      刪除
    2. 哈,歐洲人果然係佛係理論!

      刪除
    3. 始終佢哋都係話口罩阻擋唔到病毒。

      刪除
  9. 戴埋防疫眼鏡and防疫漁夫帽仲型d呀XD

    回覆刪除
    回覆
    1. 乜有防疫漁夫帽呢樣嘢?!!

      刪除
    2. 香港好多,仲有好多花式,大約五、六十蚊一頂,你上網search吓。

      刪除
    3. google咗睇,幾好咁喎.

      刪除

入咗嚟,不如寫幾隻字,留個言啦.