2020年9月12日星期六

試菜

維也納一年兩次,一連七日,有啲餐廳攜手合作一齊推出價錢一樣嘅餐。

平民餐廳就推咗廿歐三道菜嘅lunch。 9月4去咗呢間亞洲菜試食。

坐街邊。
 
我覺得有啲餐廳唔覺咁放食具有問題嘅。都唔知有幾多個人掂過,有冇人對住啲嘢噴口水。 
Btw 呢間餐廳係扮日式。睇佢menu已知唔正宗。因為佢有泰菜。筷子係中式。侍應講中文。

1st course係三文魚配菠菜。

設計個set嘅有啲問題,2nd course又係魚生。

魚生厚度適中,拍得住香港食嘅質素。我好耐冇食過咁多魚生,非常滿足。

主菜日式咖喱雞扒定食係最敗筆。

扮日式當然破綻百出啦。盤上啲嘢擺錯晒位置。飯, 麵豉湯畀匙羹(方便西人?)仲要係中式.  飯係唔知乜嘢米,食落怪怪的。

讚嘅係個沙律好有日式風味。麵豉湯足料,有豆腐粒同紫菜。

雞扒係奧地利式嘅薄雞胸。咖喱汁水汪汪。食得出係用西人咖喱煮嘅。
唔講求正宗,其實味道幾好嘅。廿歐有咁多嘢食算抵㗎喇我呢度,因為魚生係賣好貴的。(六片魚生呢間正價係13.80歐)


24 則留言:

  1. 價錢一樣有鬼用咩!半價就話啫。
    香港有$酒樓推出1蚊雞優惠,真係$1賣1隻雞。一家4口都拆開2圍枱食。
    餐廳係整畀鬼食,當然要照顧目標客人口味。
    我話主菜係魚生。

    回覆刪除
    回覆
    1. 我呢邊未見過餐廳做半價。
      主菜係魚生又冇錯喎,食咗咁多。

      刪除
  2. 疫情早期去過一間酒樓會滾住d 餐具, 要自己出去令, 感覺安心d
    疫情期話唔好食魚生, 容易受感染.

    回覆刪除
    回覆
    1. 我呢邊冇專家咁講呢。

      刪除
    2. 話傳播到蔬果、肉類表面,理論上能存活一定時間。 街市都多人中招, 最好都係煮熟先食.

      刪除
    3. 原來係呢個原因。我呢邊完全冇人咁提議。

      刪除
  3. 個人覺得, 食魚生好有風險 ^^
    呢度好多日本餐廳都係中國人開架

    回覆刪除
    回覆
    1. 真係會感染??
      我呢邊都係㗎,中國人開。

      刪除
  4. 冇疑問都知強國人開,唔識都上網學下啦,不淪不類一個柒字

    回覆刪除
  5. 除非去正宗日本人煮的餐廳,我唔會要求正宗。 日本餐,真係一分錢一分貨。

    回覆刪除
  6. 呢個時候仲要坐街邊, 肥人會唔敢呢~

    回覆刪除
    回覆
    1. 我呢邊坐街邊都唔會有太多人,唔怕。

      刪除
  7. 專家話疫情下不要食魚生....不過香港好多人都冇有怕!

    回覆刪除
    回覆
    1. 我呢邊冇專家提過,可能主流奧地利人少食生嘢。

      刪除
  8. 我也好少在香港食魚生的.
    王子果然夠大膽!

    回覆刪除
    回覆
    1. 呢度冇專家話唔好食,咁我咪又覺得冇問題囉。blog友提醒完後應該唔會再食。

      刪除

入咗嚟,不如寫幾隻字,留個言啦.