2020年9月5日星期六

開學

奧地利係九月第一個星期一開學的。香港係咪多數都係九月一號嘅呢?

噚日經過一間小學,佢門口毫無私隱地list咗小一分班嘅名單。 眼見奧地利姓氏只佔極少數。似乎奧地利未來嘅社會棟樑要靠移民後代了。

噚日奧地利政府推出咗防疫新政策。係四個級別嘅疫情警告。
最低風險嘅係綠色。維也納依家係次一級嘅黃色。每日都有百幾二百單新確診。 
唔同級別都有唔同嘅防疫措施。
學校就係分唔同年級喺唔同風險級別可以做嘅嘢都唔同。
好似小學咁,黃色級別時喺課室以外地方需要戴口罩。訪客一定要戴口罩。唱歌只可以喺戶外進行等。

Btw奧地利速遞收唔到件可以話係正常。

好似呢日咁,學校都未開課當然冇人收件啦。件件居然就咁放喺當街當巷,唔卑人攞就偷笑。



 

30 則留言:

  1. 香港基本上都係九月一日開課,若果遇上星期六日咪照褪到星期一。

    回覆刪除
    回覆
    1. 我同奧地利人解釋。佢哋話如果係星期五,咪無啦啦要返一日又放假。

      刪除
  2. 疫情好麻煩。
    將要破世界紀錄,就係全人類要打疫苗。
    冇駐校校工?

    回覆刪除
    回覆
    1. 疫苗都唔知幾時有。
      多數都有㗎。可能咁啱唔喺度。

      刪除
  3. 乜奧國冇得網上授課,d小學雞幾廿人圍埋好大鑊
    冇人收件唔識留張單叫人去郵局自取

    回覆刪除
    回覆
    1. 要到唔知邊個級別先網上授課.
      我估係懶得同你托番件嘢返去佢㗎車。

      刪除
  4. 正常應該放張卡, 話叫佢邊度攞架噃

    回覆刪除
    回覆
    1. 我估係懶得同你托番件嘢返去佢㗎車。

      刪除
  5. 香港分階段復課. 中小學一﹑五﹑六年級及幼稚園高班,先於9月23日起回校上課;餘下班級於9月29日起。而9月16日起,學校可讓不多於6分之1的學生回校, ,參與補課及適應班等短時間的活動。面授課堂暫時會以半日形式進行,避免同學需於午膳時脫下口罩

    回覆刪除
    回覆
    1. 好detail呀。今年太特別。

      刪除
    2. Official 係咁講,朋友都講緊係咪真返到學校

      刪除
    3. 咁又係,開學前如果多咗新確診,又可能會改。

      刪除
    4. 最后一次去巴黎好似变咗黑人社區,法国本土人士唔知係咪移咗郊區。 Munich 就好多幪面女子。 奥地利會唔會相對少D移民人士

      刪除
    5. 都多㗎。首位係大家認唔出嘅德國人。土耳其人好似第二三。奧地利有啲區都好多土耳其人聚居㗎。

      刪除
  6. 西歐大部份國家應該都係靠移民,從足球國家隊便可知一二

    回覆刪除
  7. 原來維也纳每日都有百幾二百單, 其實全部師生都應該戴口罩安全d。

    回覆刪除
  8. 總之呢個時候,去邊都帶定個口罩穩陣啲~~

    回覆刪除
  9. 一開學就好難搞....又唔戴口罩....

    回覆刪除
  10. 仲要帶多一個spare, 萬一條繩斷咗

    回覆刪除
  11. 呢次疫情真係好影響學校.
    奧國將來要靠移民?生仔福利應該也好好喎,無人肯生?

    回覆刪除

入咗嚟,不如寫幾隻字,留個言啦.