2021年11月10日星期三

連打兩嘢

原先預咗十二月先可以打疫苗加強劑,咁問醫生約時間啦,佢話隨時可以去。

於是噚日11月9 去打第三針。之前兩針都係打AZ,醫生話今次要打第隻(醫學德文,當時唔係太多明個原因)溝針打輝瑞。

寫blog時google先知,原來奧地利顧問專家委員會建議之前打AZ嘅人急需打第三針,打第二針後四個月就可以,唔使等六個月。

委員會亦建議第三針應該打採用信使核糖核酸為技術平台mRNA嘅疫苗 - 輝瑞。

暫時寫blog 呢一刻手臂痛囉,舉手有困難。

而同一日約咗另一個醫生打流感針。未去之前心大心細打唔打好。唔打又唔知排期排到幾時喎。咁用英文問吓google啦。搜尋結果話跟據英國NHS資料,同一日打唔同疫苗係冇問題嘅。

(下圖>登記護士畀咗支流感針我揸住等醫生)

又係寫blog先見奧地利顧問專家委員會有同樣見解。
新冠疫苗同其他疫苗唔需相隔一段時間,同一日打都得。但係手術前或後十四日先好打新冠疫苗。

36 則留言:

  1. 咁快又要打第三針,又要打流感針...😢

    回覆刪除
  2. 上次打完針你都有唔舒服架,起双飛你承受得住!要體諒吓年紀唔輕,身體未必捱到。 有咩生理反應?

    回覆刪除
    回覆
    1. 今日發作喇。好似打第一針嗰時咁,攰,標冷汗,嘔。

      刪除
  3. 我都問過醫生,佢話流感針同加強劑都要打架,兩樣都重要保護﹗

    回覆刪除
  4. 哈哈,英國係會連打流感和 booster 針。我公司係。大眾市民就未必。

    回覆刪除
  5. 香港都開始打第三針...
    都是建議溝針...

    回覆刪除
  6. 大馬都正話開始幫之前打瑞輝同科興(未知AZ有無份)嘅打加強劑,大馬衛生部都有過溝針嘅提議(唔理之前打咩針,加強劑全部打瑞輝),但實際上溝唔溝就唔知...

    回覆刪除
    回覆
    1. 我呢邊都係咁講,加強劑全部打瑞輝.

      刪除
  7. 打完都係一半一半成功~~~

    回覆刪除
  8. 回覆
    1. 咁你第三針會唔會改打輝瑞呢?

      刪除
    2. 應該會,但流感疫苗我唔打。

      刪除
    3. 流感針我都係疫情先開始打,以前唔打嘅。

      刪除
  9. 流感暫時仲未有意欲打,但畢竟身處北美,呢度流感好似幾堅⋯⋯

    回覆刪除
  10. 宜家帶口罩,少咗病。我二老呢几年都有打流感針,我就未打

    回覆刪除
    回覆
    1. 流感針我都係疫情先開始打,以前唔打嘅。

      刪除
  11. 嘩!真係打到沒完沒了,又打呢又要打路,唉!

    回覆刪除

入咗嚟,不如寫幾隻字,留個言啦.