京都肉

見blog友買京都炸雞。好吸引喎。搵食譜啦，點知唔見有炸雞嘅？？咁先醒起平時嗰啲係京都骨，真係太耐冇食了。

食譜睇咗幾個，都係大同小異。咁參考咗呢個，因為佢有份量。 

https://www.youtube.com/watch?v=i6CBMLNiGQI&t=61s

我個版本＞

一大碗肉用半茶匙五香粉，少少鹽，半茶匙糖，少少梳打粉，半湯匙豉油，少少酒，半茶匙粟粉撈好，最後落啲油再撈撈，醃一個鐘以上。然後落鑊炸熟備用。

汁我要多，我嘅版本＞八湯匙水，兩湯匙黑醋，四湯匙白醋（人哋係用浙醋。我費事買），兩湯匙茄汁，兩茶匙HP汁（人哋用喼汁），六茶匙糖，半茶匙鹽。因為我冇浙醋，怕個汁唔夠紅。見有另一個教人落啲paprika粉，我又跟啦。所有嘢撈好。

炒香洋蔥，然後落汁。煮至杰或埋芡。撈入炸好嘅肉就食得。

因為太耐冇食過，唔係好記得京都骨應該係乜味。但係我呢個有少少熟識嘅味道。好食㗎。