財散人安樂

友人見我買嘅減價貨比 outlet 貴。於是抽起條筋話8月19 放工後一齊去 Parndorf 嘅 outlet 放血。

星期六喺維也納會有巴士到。平日嚟就要搭火車嘞，半個鐘到。但係仲要行多約半個鐘喎.

嚟到食埋dinner 先掃貨。呢度收九點，所以所餘時間無多。

住咗喺奧地利咁耐都係第一次夜晚嚟。

趕頭趕命，買得唔多。真係唔盡興。

8月25 WFH.   咁又自己嚟多次啦（註＞我有check 公司emails 㗎）。自己一個，大把時間慢慢行慢慢睇。

由火車站條路行去outlet (相中最遠處)，睇落都幾漫長。

平日人流相對少。但係下晝都幾多鄰國嘅遊客。

英國嘅 "畫家媽媽" 喺奧地利嘅唯一分店。之前睇英國網友們話呢間嘢好伏。但係我都做吓試伏器。

照燒雞串好味喎。

咖喱吉列雞扒飯睇樣就知唔正宗啦。咖喱唔係日式味道囉。

Total 食咗差唔到27 歐。算貴。

呢次就多收穫喇。