Chicken Sopas 賓賓雞絲湯通粉

賓賓friend 最近煮咗個Chicken Sopas (雞絲湯通粉) 我食。幾好味喎. 見屋企大部份材料我都有，咁我又整啦。 

食譜參考呢個。

https://panlasangpinoy.com/creamy-chicken-sopas/

 

雞用水烚熟，待涼，起肉。

通粉煮熟備用。

洋蔥，蘿蔔，西芹切粒。椰菜切絲（個friend 話用紹菜）。腸仔切件。落鑊炒香。加入烚雞嘅水，落雞湯（我冇），奶 or cream。雞絲回鍋 . 鹽胡椒調味（友人落魚露, 我就照落。）

味道出嚟有啲唔同，但係都好味。