Burg Liechtenstein

 8月 21 又利用張下奧地利州觀光卡郊遊。揀咗離維也納冇幾遠嘅Burg Liechtenstein。

城堡只有基座係中世紀建築。

上面係重建。當時城堡破舊（百幾年前?），城堡主人決定拆咗佢起過會平啲。

內裏嘅傢俱都唔係original。只係上一手業主嘅收藏。

參觀一定要跟。有觀光卡免費。

有德文同英文團。因為德文團太多人，於是join 咗英文團。

導遊解釋當時城堡係會自己養蜂。因為可以有蜜糖（當時冇砂糖），亦可以整蜜蠟蠟燭照明。

導賞員話呢張係奧地利最古老嘅床。畀啲低下人士瞓，例如晚飯時表演嘅藝人。

古樓梯。好多電影嚟取過景。

十六世紀嘅床，一定有個帳篷。據講當時木天花防蟲技術差，瞓覺時會有昆蟲跌落嚟。

城堡保存到嘅石雕。

依家城堡業權落番喺列支敦斯登公爵家族。

喺露台可以遠眺維也納。

呢度門後條樓梯古時城堡主人係唔會用嘅。佢哋只會喺個窗仔叫下面嘅侍從拎嘢上嚟。而下面侍從講嘢聲係唔會轉番上嚟個喎.

吊燈係原裝城堡嘅。

九唔搭八嘅日本武士盔甲。

雖然城堡有告示不可拍照，但係個導賞員話唔使理。只係呢度就一定唔可以影。。。。小禮拜堂。

城堡下有呢座宮殿。二戰時列支敦斯登公爵家族將佢賣咗。

依家活化咗做老人院。

而公園有呢個展銷會。喺津巴布韋一位藝術家嘅作品。

 

總括＞如果要我哋畀錢冇原裝嘢睇。我哋覺得唔值囉.