突發新聞

話說噚日開始我嘅兩星期長征。獨自一人，冇司機，就搭火車啦。

今次買咗德國火車証。但係要係德國出發。於是就搭去最近邊境嘅德國城市Passau 先（一個月前嚟過，所以相都唔影嘞）。

可是衰運接踵而來。。。。。。

首先平時搭去火車站嘅巴士脫班，要改搭地鐵，行李要搬上搬落（因為係樓梯）。

而個cheap cheap 篋嘅手柄居然甩咗 @@。。。。。

上咗火車，背囊放上頭頂位置。之後就聽歌喇。

火車到咗第二個站 St Pölten 好多人落車。突然有個背囊跌喺我頭上。疑似係個男人攞佢落嚟時甩手。Sorry 都冇聲，當然𥇣L住佢啦。

火車慢慢駛離月台。我就想喺背囊度攞啲嘢。。。。。。吓? 唔見咗！！！

係咪瀡咗去人哋度呢。。。行勻全卡都冇。。一定係畀人偷咗!!  於是搵職員問點處理啦。佢叫我去到德國報警。

(小偷嘅伎倆我估＞搵人跌嘢落我個頭，分散我嘅注意力。然後另一人偷走個袋，往我背向嘅另一方向落車。。。)

背囊入面有passport，相機，(屋企)同公司鎖匙，外套，所有入場券，酒店confirmations。錢就跟咗身。

乜都做唔到唯有call 個friend 吐苦水啦。

佢話我啲confirmations有冇屋企地址㗎，佢哋有鎖匙可以入屋喎。。呢個friend 有我後備匙，所以即刻去我屋企換咗我度門嘅鎖。以防萬一。（佢換咗之後我先發現鎖匙呢日居然跟咗我身）

而坐隔離嘅女子偷聽到我嘅對話。佢話如果個背囊冇錢，啲小偷可能會即場棄置。不如打電話去St Pölten 嘅警局，睇吓佢哋會唔會幫我巡火車站啦。

警局當然係愛莫能助（唔關佢事），叫我聯絡火車站。而火車站係google唔到電話嘅。唯一做到嘅係網上填Lost & Found。

到咗Passau，去問tourist information邊度有警局。佢話警局搬咗，依家城中心係冇警局㗎。@@

因為都幾遠吓，要搭車去到。好彩識途老馬，我識搭巴士。。。。

警署得個年輕madam接待（其他阿sir 坐房唔知做乜）。我啲爛德文又點報案呢，嘗試用英文，但個madam又唔多掂喎。最後都係迫住要用爛德文溝通。

而呢個madam要multi tasking。接電話，開門，填報案紙。佢仲話我知佢新嚟，唔識入機，唔知邊個制開門。。。。

最後搞咗兩個鐘先攞到報案紙 @@。。。

三點都未食lunch。快快食啲嘢就趕住去shopping，因為要買相機，外套，篋。。而星期六舖頭收六點。。。。