Bilbao Day 3

10月16 星期日。友人好老定話呢度係西班牙，舖頭會開嘅。所以安排呢日 shopping。

點知。。。。信錯人囉。唯有臨時臨急搵啲嘢行啦。

釣魚區?

 呢日似係有跑步比賽。

係旅遊局官網嘅介紹，嚟到呢間A貨雕塑博物館 Museo de Reproducciones Artísticas。

 

 

博物館係由一間教堂活化嘅。

有介紹話喺邊度可以睇到真貨。

可能係假嘢嘅關係，入場只係3歐咋。

之後嚟到鬥牛場。附近應該有一間鬥牛博物館，喺google冇寫營業時。即管嚟睇吓有冇開啦。。。果然係冇開。估計可能有表演先開。

另外Google 話Bilbao 有間街市可以食吓嘢。圖片show 咗呢座。點知係老點囉。呢座嘢其實係火車站嚟嘅。再google market hall，結果星期日係唔開。

太多時間，行吓，hea 吓。

彩票檔。

栗子檔。 

 

 臨離開前去火車站有開嘅超市（類似便利店）睇吓有冇想買嘅嘢。

一個swing club 嘅組員喺大堂跳舞。

未食lunch，決定早啲出機場個lounge解決。點知遲咗一步，去到開始收走啲熱食。

旅程就此結束。喺便利店買唔到蟹，只買咗墨汁海鮮飯。

同埋我好鍾意食，但係奧地利買唔到嘅 baby eels。

其實唔好畀個名嚇到。聽講真嘅鰻魚BB 好貴，所以呢啲係好似蟹柳咁，用魚同麵粉製成。假㗎！