Klanglicht Festival Graz

每年奧地利東南面嘅Graz 喺國慶日期間幾日都會有投影show。我年年都唔記得。今年突然醒起，網上買飛 (15 歐，包括當晚嘅公交費)，揀咗六點嘅入場時間。

10 月 29 施施然去shopping，冇睇時間，趕去到火車站已經架車走咗。搭下一班，預計到達時間係差唔多六點。於是計劃到埗後喺火車站放低行李，直接去演出場地。之後先酒店check in。

可是。。。火車delay 廿分鐘。咁一定遲到啦。冇辦法，照去睇吓畀唔畀我入。

第一個場係喺山上。呢度有三種方法上山，用腳行，搭𨋢，搭纜車。入場券嘅公車只係纜車。點知我去錯站，排錯咗條𨋢隊。於是問人纜車喺邊，急急腳趕去。去到條對超長。等咗廿分鐘先上到車。

最後係遲咗成個鐘。。。點知係冇人查飛嘅。都唔知買入場券做乜。

下圖係一個大波喺水池上擺擺吓，參觀者可以着上膠袋行入池中。

一間餐廳。

藍光都係節目嘅一部分。

唔郁嘅投影。

夜色。

裝置藝術。

鐘樓嘅投影。呢個算係最精彩。

之後就去另一個場 Reininghaus Gründe。呢度似係新發展區。

公園度有呢啲人形。

呢棟住宅大樓就有投影。可惜有幾戶入咗伙。着咗燈，影響觀感。