殘廁鎖匙

殘廁我呢邊通常都上鎖。但又唔見有人駐守開畀有需要嘅人個喎。

原來身體有障礙嘅人士可以申請一條叫euro key嘅鎖匙。 呢條匙可以開到大部份嘅殘廁。

根據wiki講，呢個idea係1986年德國一個協會議提出。依家歐洲好多國家都有呢個做法。資料話條匙喺歐洲有參與嘅國家通用。

奧地利就除咗身體障礙，如果係有人造排泄口, 長期插尿袋人士都可以免費得到呢條匙。

咁點解唔好似其他公廁咁自出自入呢? 

少啲人用就乾淨啲啦，減少人破壞啦, 又唔怕畀人霸佔（瞓覺/ 成為愛情動作片地點）。