嘩！我呢個系列封咗塵好耐喇。因為依家懶得煮，以前煮過嘅我又唔會 post。
回歸嘅呢篇係極少會喺我呢度出現嘅魚。
話說新認識嘅友人喺香港工作過一年，佢好接受中式/ 港式嘅餸菜。 問佢最掛住係乜? 佢話蒸魚喎。咁就煮畀佢食啦。
今次學吓呢位師傅嘅祕訣。
https://www.youtube.com/watch?v=655cDOUgSEM
魚內外都要洗走啲血跡。滰乾同印乾水。薑，蔥墊底。魚肚切口向底，水滾後落鑊蒸12 分鐘。熄火焗一分鐘。
蒸魚豉油
https://www.youtube.com/watch?v=nFj91q4WKnY
乾蔥，蔥白，芫荽頭炒香。饌酒。落50ml 水，一湯匙糖煮滾。熄火後落50 ml 豉油，一湯匙蠔油。
滾油淋魚身。蒸魚豉油淋喺旁邊。
識得我耐嘅都知我一啖都唔會試㗎啦。友人就話完全係香港酒樓嘅味道。
你犀利喎，一啖都唔食都可以煮到被友人認同好味。
回覆刪除信晒佢嘅評語。
刪除原來你唔食魚。
回覆刪除熟魚我多數都唔食。
刪除厚肉魚背鎅開，唔使蒸老哂薄肉位。
回覆刪除芫茜/葱都好正。
你睇片學定本身已經識呢個竅門?
刪除家傳。
刪除我唔食，阿媽冇傳畀我。
刪除你新認識嘅友人喺香港工作過一年，
回覆刪除幾耐之前的事？
他對香港有乜印象？？🤔🤔
十幾年前喇。
刪除下次問吓佢先。
好叻
回覆刪除睇片學都唔難。
刪除又係你 c fu, 我最近都少睇左佢呀
回覆刪除揾食譜就會諗起佢。
刪除新年快樂!
回覆刪除明けましておめでとうございます
刪除蒸魚算是一道家常餸!!
回覆刪除係呀。
刪除嘩!你D蔥呀莞茜呀係咪多得濟呀. 蒸魚我最鍾意食呀.
回覆刪除多啲好味啲嘛，我估。
刪除咩魚要蒸12分鐘再焗1分鐘呀，又唔淋油，你都係呃鬼啦
回覆刪除我有淋㗎。
刪除蒸魚，好食；我只落少少豉油同淋少少油，未試過加蠔油
回覆刪除食譜話加我就照跟㗎喇。
刪除蒸魚落蠔油......未試過!
回覆刪除食譜話加我就照跟㗎喇。
刪除你個個blog友都感覺加蠔油有啲奇怪喎🤪
回覆刪除食譜話加我就照跟㗎喇。
刪除蒸魚豉油 整法咁特別既....
回覆刪除食譜係咁我就照跟。
刪除