除夕&新年

新年進步!!

今年第一次去友人屋企過新年。佢一直都想我教佢整燒賣，話中式嘅一定正宗。（菲律賓亦有燒賣。佢老公都好鍾意食。）所以其中一款宴客食物就由我煮理。

慢工出細貨，由剝蝦開始，用咗五個幾鐘整咗50幾粒。

佢老公話係菲律賓嘅味道。但係其中兩位只係試食一啖，因為唔習慣海產（有蝦）嘅味道。

仲有兩位友人食完飯就提早走咗。

睇嚟我識搞party多啲。只有我準備咗啲party用具。

臨近新年，一大伙兒去多瑙河運河放煙花。

狗狗就留守喺屋企。因為佢怕爆炸聲。離開屋企前仲要開大收音機，等佢聽唔到出面啲煙花聲。

今年奧地利禁咗超市賣煙花。所以早幾日前去咗一間party用品店，大家有共識唔花錢喺太貴嘅煙花度。於是夾錢買咗呢個100發連發，唔大，射得唔高嘅。30 歐一盒。

其中一位友人都幾傳統。新年嚟到就派豬仔（奧地利新年嘅意頭嘢）。

佢亦準備咗呢個傳統新年占卜玩意。居然佢同我之外冇人玩過。

燒熔咗啲錫，倒入兜水，睇吓變咗乜形狀。再睇吓呢年運程。

回家路上見一部煙仔自販機被人炸開。。。啲煙仔當然被偷走哂啦。