Regenbogenball 彩虹舞會

奧地利新年過後，Fasching 之前係舞會嘅季節。城中有好多舞會，只怕你冇錢去啫。

友人一早話會約埋我去 Regenbogenball 彩虹舞會。點知到我知嘅時候所有門票已經售罄。網上有黃牛飛但係又唔敢買。到舞會前一日有位賣家以正價64歐轉讓，友人電話傾談後覺得伏嘅機會好低，於是幫我約咗個賣家當日現場交收。

去舞會喎，當然要成副老西啦。放工趕去廉價衣履店買一身嘅裝束。

舞會1月 28 喺某酒店舉行。

舞池。

如果想有位坐就要買埋枱，好似要過百歐。我哋當然係冇訂啦。

好多人都冇訂枱（定係full 晒）要排排企。

我呢個位都幾好，可以睇鏡。

舞會開場有舞蹈表演。

致詞時有手語翻譯。

所有儀式完晒後舞池開放畀人跳舞。

去舞會當然要靚妝。大會贊助商提供免費化妝。

哥仔們盛裝打扮。

好似歌廳嘅部份。當然之前要訂位啦。

賭枱，籌碼隨緣樂助。

咪以為64毆包一餐喎。係乜都冇㗎。飲嘢食嘢都要自費，食物都係啲簡單嘢，好似腸仔，牛肉湯，漢堡。。。

我哋呢啲唔識跳舞嘅。四圍巡完之後，新鮮感冇晒就開始覺得悶嚕。

一點前就走人嚕。

見識過，我諗我出年唔會再嚟。

(YT話我條片有版權問題，部份地區及國家會睇唔到喎。)