車主

最近做咗車主。話說友人想買㗎摺得埋嘅單車，方便搭公共交通工具。佢問我買唔買，話得閒可以一齊踩單車。 

喺熱帶雨林買，200 歐連運費 ，made in China。好快就收到。

因為都成廿年冇踩過，都唔記得點踩。要練習練習。收貨當日友人同我去公園練，踩咗冇一個鐘見我都掂掂地，佢當晚就帶我踩馬路，認路返屋企。

佢真係好睇起我。我踩到擺吓擺吓。我唔驚啲司機都驚啦。咪搞，托㗎車搭地鐵好過。

1月 12 WFH 就去練一練車先啦。

Prater 公園係理想嘅練車場。大大嘅馬路，直路一條，極少車輛出入。

由頭踩到尾。 單程4,4 km。

地標嘅 Lusthaus。

人哋放狗，佢哋放馬。維也納少見。