睇歌劇

因為想睇鐘樓駝俠嘅歌劇，所以睇吓網頁有冇平飛啦。嘩! 啲飛貴到買唔落手。

碌吓碌吓，發現有企位，只係5歐咋。買嚟體驗吓都好。喺同一網頁有另一齣歌劇Rebecca 都有企位。買埋啦。

12月29 睇咗Rebecca先, 地點係 Raimund Theater。

個位都唔差，只係遮咗小小。

 

 

第二日12月30去睇鐘樓駝俠喇。

點知我低低地，心諗係同一網站買就係同一劇場。去到先發現去錯地方。好趕好趕，好彩開場前到達。

但係睇咗廿分鐘決定走人。

企位同側邊座位都只係睇到一半。有時係完全睇唔到演員。真係把鬼。5歐就豪畀佢，走人！

我之後再買咗二月嘅飛，最平嘅坐位只係十歐。睇吓又掂唔掂啦。
註＞我完全係試伏器。