行山 (上）

 7 月 27 放大假，友人約我去行山。

首先搭登山火車 Schneebergbahn 去山腰 Baumgartner 站。

呢個站嘅名物Buchteln，類似我哋嘅甜麵包，入面有果jam，再配雲呢拿汁。

整裝待發。

因為會過夜，所以要咩埋啲梳洗用品。

首個目的地＞對面山頭 Krummbachstein。

超大嘅蟻竇。

我就畀呢啲登山路呃咗，以為好easy 啦。。。。

畀人過但又防止牛牛越過。

剪草工人。

之後就係啲攞命路段。

好辛苦嚟到山頂。

海拔 1602 米。

有本紀念冊可以留名。

阻住人睇風景嘅男女。

最艱難嘅由峭壁落山。

最後用咗double 嘅時間（四個鐘）嚟到山旮旯嘅客棧Knofelebenhaus。

奧地利依家山區啲客棧都會用尼泊爾外勞。因為佢哋適應山區嘅生活。

呢間都唔例外。

客棧有晚餐供應。我叫咗個尼泊爾餃子。好好味。

晚市只做到六點。而呢度係山旮旯，冇電訊網絡，亦冇電視。飯後娛樂就係玩吓牌，睇吓書。

入房唔可以着鞋。佢唔想你帶埋啲沙沙泥泥。

呢度係公共浴廁。

行到身水身汗，見到呢個噩耗＞因水源不足，冇沖涼水供應！唯有好似以前香港制水咁，濕毛巾抹身啦。

好在呢度天氣乾爽，唔會黐𣲷𣲷。