行山 (下）

7 月 28 回程。今次選擇咗比較易行嘅路徑。

路窄。差錯腳就會碌咗落山。

由山腰行番上山脊。

最後用咗三個鐘（亦係 double 咗標準時間），返回文明世界。

而呢晚嘅住宿，唔文明得去邊。因為係喺樹林嘅度假屋。

玻璃屋頂，可以望天打掛。

有水沖涼。老闆話有水係奢侈喇。

但係廁所係旱廁。

前面收集液體。後面係木糠。排放完用木糠冚好，唔臭㗎。

揀喺樹林住係因為未試過，同埋呢度近 Staatz。

嚟呢度係睇音樂劇。

話說我一早book咗長者團嚟呢度。點知友人亦放假，叫我唔使跟團啦。於是去旅行社，通知我唔會搭旅遊巴，但係想攞咗張飛先。

預料之外，旅行社可以退番車費。飛就比正價多少少啦。呢個我明，唔係人哋點賺你錢呢。

劇目係蒙面俠蘇洛 Zoro 。

呢度我第一次嚟。

我覺得好好睇，應該會有下次。

第朝嘅早餐，係送到門口。

打開大門嘅風景。

宿一宵嘅木屋。

啲度假屋其實係喺一個攀爬公園Ochys Waldfreizeitpark入面。

地點係一個約四千年前古文明嘅部落。掘咗啲防衛嘅坑（圓形）。

啲坑就咁睇相唔係好感覺到。

呢度講環保，除咗人類排放物拎去做肥料外。呢度亦用太陽能。

樹林咁多樹，唯有係撐高佢啦。

兩間宿營嘅房。

呢度總共有八間度假屋。

可以開營火會。