Autofreier Tag世界無車日

未介紹星期日嘅活動之前,先講吓今日世界無車日Autofreier Tag 維也納點響應.

12點至夜晚8點,歌劇院至國會一段嘅環狀大道Ring唔俾車行.咁警察只係封路中間,電車照常服務.

封咗路,官方話市民可以喺路中間picnic,心諗會唔會似假日嘅中環呢?初段只係見到呢pair.

近國會嗰段鋪咗人造草地,多人啲

我記得舊年見過相同嘅活動,可能都係世界無車日, 只係自己唔知.

呢段人比較多,所以電車要搵人領航.

唔知為乜示威

綠色政黨提供免費單車檢查服務

附近一條冇封嘅路,行人過路時,有團體向駕駛人士高舉橫額,但就派小禮物俾踩單車人士.

八完.我繼續響應無車日,行去shopping. 路邊嘅栗子樹啲栗子已經成熟,

栗子跌到一地係

呢粒啱啱跌落黎,好大粒呀.

啲肉好厚但係唔香,我估因為咁所以冇人執.

經過最新喺維也納安裝嘅心臟復甦機.

去shopping係想搵一種碟,因為今日睇電視見有樣嘢好易整,抽起條筋又想整.去咗類似香港十蚊店嘅舗頭,冇得賣.唯有黎呢間德資家具店.價錢當然唔算平(8 euro)

順便去埋韓國人雜貨舗睇吓有冇blog友Shanshan介紹嘅即食麵.唔見有,咁買咗同一品牌嘅麵.全韓文,都唔知係乜.看圖斷估.今晚食咗紅色嗰包.煮咗出黎一pat嘢,要過冷河. 辣椒醬好辣但好好味. 啲麵好似橡筋咁趙唔爛.係咪我整錯呀.