新鞋初登場

上一篇blog其實已經差唔多係嗰星期嘅活動（即係冇嘢好做）。被咁多山包圍，緊係要行吓山啦。

第二日喺Warth呢個鎮搭呢種對腳可以fing fing 吓嘅吊車上山。

新鞋初登場

奧地利嘅行山徑分咗唔同色分難易度。我哋揀咗行兩個鐘嘅路線。

一路行一路摘blueberries食，雖然細粒，但係好甜。

係咪因為有有機肥田料呢。因為阿爾卑斯山乳牛喺度生活，山上有好多牛屎。

奧地利山頂多數都有十字架

行到1950m 嘅山頭，

喺呢間Hütte透一透。

繼續上路，所見都係山，山，山。

終於見到目的地Körbersee(Körber湖）。

好牛唔攔路。佢企正路口，郁都唔郁。只係條尾fing 吓fing吓。唯有喺佢pat pat後面過，幾驚佢突然開大。

喺嗰度唯一間餐廳食lunch,又係普通嘢。食完行落山。 呢段路見到好多防止雪崩嘅鐵架。

我覺得落山係最難，因為係石仔路，有幾次差啲達低。朋友話係我行路方法唔同。 真係?