冇嘢好做,繼續行

經過首日嘅行山活動,除我之外,個個都晒到紅卜卜. ( 我嘅膚色黎咗呢度早已入咗菲律賓籍,太陽對我冇影響).隔咗日, 我哋又行山lu.

今次喺Schoppernau搭吊車上2090m 嘅 Diedamskopf.喺車已經聞到強烈嘅氣味.唔使睇牛牛一定喺度.

由山頂總站行到山頂只係短短十分鐘路程,已經行到上氣唔接下氣,唔通高山症! 慢動作,慢動作

山頂有一『本』summit book,介紹呢度同吊車嘅歷史.跟住我哋行番落山去中途站Mittelstation搭吊車返歸.

呢度山路幾好行,夠平坦.

好似行咗成個鐘經過牛欄小食檔透一透,飲枝汽水,食啲火腿.伴住牛屎味,睇吓風景,另有一番風『味』.

可能檔主嫌牛屎味唔夠強勁,仲泊咗架牛屎車喺度添.由呢度好快去到吊車站.

-------------------------------------------------------------------------------------------


另外一日我哋行吓渡假屋附近.因為係樹林,冇乜影相.

今次一路行一路摘raspberries食.

呢度可以見到公路有蓋架.防止雪崩封咗條路.