「鍍金」新現象?

好消息! 冇得喺金色大廳表演*,好彩仲有地方可以獻醜<<--- 我估佢哋係咁諗啦.

廿二號嗰日經過city hall,見到以上張poster(只有中文). 見係免費娛樂,於是廿三號晚去睇睇啦. 

開場係奧地利國家郵政樂團. 係咪同poster好有出入呢?

跟住就係好似央視春晚咁...

女歌手以高八度嘅唱功唱咗茉莉花同Edelweiss. Edelweiss聽咗好耐先知佢係唱英文.

佢唱月亮代表我的心.

唔好笑嘅小丑.

拉丁舞....似睇中學舞蹈表演

功夫.

太極

太極師傅表演咁多人推都推唔郁....
但係試咗三四次都郁咗. 真係瘀爆!

又係高八度.你可能話北方係咁唱啦. Sorry我唔識欣賞囉.好彩只係唱咗一首歌.

意大利歌劇. 正正常常

最後呢位大媽好似好有名氣咁. 好多人走咗去台下影相.

佢哋真幾冇品架. 自己表演完就拉隊走人. 剩低郵政樂團自己擔大旗.  

呢個藝團喺維也納表演過,回國後可能升價十倍. 唔知以後維也納會唔會多咗呢啲中國藝團嘅公開表演呢??

*(星島日報7月10日報道)淄博大媽登上維也納金色大廳大舞台，成都小學生「夢圓」維金色大廳，溫州女企業家「逐夢」金色大廳……
內地的藝術團體紛紛湧到奧地利維也納的金色大廳演出「鍍金」，「門票基本靠贈送」，成為醜聞。文化部近日發出文件強調，將採取多項措施加強監管和引導，堅決制止「鍍金」現象。
文化部稱，近年來，國內一些藝術團組和社會團體以「文化交流」的名義，自費赴維也納金色大廳等國外著名演展場所進行「鍍金」性質演展活動的現象 日益嚴重。這些活動往往採取自付場租、對外贈票以及組織觀眾的運作模式。有的甚至動用政府經費，不計成本、不看對象、不講實效，通過不實報道或炒作來達到 撈取名利的目的。既浪費了人力物力財力，也損害了國家藝術尊嚴，助長了形式主義之風，造成極為不良的社會影響。
文化部通知要求，各級文化行政部門要規範和加強外事管理工作，加大監管力度，堅決阻止各類「鍍金」活動。