2014年7月4日星期五

奧地利有乜新嘢

奧地利同港比真係落後幾世. 呢度最近先有麥麥送咋. 車就型過港好多. btw我仲未見過真身.
奧地利多咗好多冇酒精啤酒廣告. 唔知係想人唔好醉駕定係想打入回教人market. 依家有人出咗冇酒精葡萄酒添.
開廣告, 維也納街邊出咗畀狗睇廣告. 廣告高度係狗level. 佢希望狗哋停低睇,咁主人又睇埋一份,可收宣傳之效喎.
好快有新一季嘅倒模式節目Austria's Next Top Model. 季加入咗新元素會有男參賽者,話係歐洲首次喎.

46 則留言:

  1. 前幾星期超市都promote冇酒精啤酒. 同近年多咗好多halal嘢,新勢力抬頭呀

    回覆刪除
    回覆
    1. 冇酒精啤酒promotion我估都可能關世界杯事.

      刪除
  2. 女仔做麥麥送呀?下次你見到架車記得影相喎!

    回覆刪除
  3. 你都唔慌會幫襯啦XXD
    架車幾型,d麥記嘢有冇特別餐?
    冇酒精酒有咗好耐啦,仲有兒童啤都係冇酒精既
    狗廣告即係用細路拍廣告片一樣,最終都係大人掏荷包,C橋!

    回覆刪除
    回覆
    1. 麥記我e+都少咗食.
      冇乜特別餐,同HK差唔多.
      冇酒精啤酒我知有咗好耐. 冇酒精酒我第一次聽.
      C橋但係冇乜人用嘛.

      刪除
  4. 明珠都播緊ANTM....都係加左男仔入去.....好似刺激好多喎....

    回覆刪除
  5. 至怕睇呢個真人騷, 其實有幾多冠軍真係做左名模呢

    回覆刪除
    回覆
    1. 呢d真人騷我覺得只係第一屆o個個先紅.

      刪除
  6. 我地呢度係用私家車送貨嫁~~~~

    回覆刪除
    回覆
    1. 估計係係員工自己架車(因為佢地都係揸車返工的)

      刪除
    2. 油錢有冇得同公司claim架??

      刪除
  7. 英國都係呀, 超市有halal 肉檔,總之佢地地位高左啦。

    回覆刪除
  8. 我都無留意我呢度有冇麥麥送添。
    狗睇廣告?好似屎橋咗似喎。

    回覆刪除
  9. 沒酒精葡萄酒,味道如何﹖

    回覆刪除
    回覆
    1. 想像唔到會係乜味. 有機會時要試試.

      刪除
  10. 二個轆纖瘦啲唔怕塞車送貨快啲到喎!你果架四個轆邊可以逢車過車慢好多架。

    無宿醉,唔駛咁辛苦,唔錯呀。又減小啲咸濕仔灌醉人做壞事,帮你積番啲陰德。

    你見過啲狗真係識睇狗廣告咩?

    回覆刪除
    回覆
    1. 又係喎塞車時四個轆爬唔到頭.
      灌醉人o個個一定係你啦.
      狗睇畫展我見過.

      刪除
  11. 生意人頭腦轉數快 , 現在資訊發達我諗就嚟唔會落後幾多了 .

    回覆刪除
  12. 會唔會似利賓納?
    咁個主持係咪奧國名模?

    回覆刪除
    回覆
    1. 想像唔到會係乜味.
      好似係. 但係我唔識佢.

      刪除
  13. 以前有追美版ANTM,黎左英國後就無再睇了。

    回覆刪除
  14. 救命, 竟然依家先有麥麥送到....會唔會又好遲先送到o既呢..哈哈!

    回覆刪除
  15. 我住個頭無麥麥送,聽講紐約有,但其實好多其他餐廳都有得送外賣上門,最多都係pizza同中餐館, burger king某啲分店都有,啲送外賣員工係用自己架車,有啲公司會要求外賣員工放個有公司標誌嘅燈箱係車頂,外賣員工有底薪又有貼士收,汽油錢就視乎間公司囉,有啲會比津貼(每程計),有啲就要員工自付.

    回覆刪除
  16. 架麥麥外賣車好稳陣咁, 啲外賣員就無咁易出意外.
    無酒精葡萄酒, 咪即係飯葡萄汁?

    回覆刪除
    回覆
    1. 稳陣,冇意外,確保送到
      有機會見到我都想試試.

      刪除
  17. 墨爾本好似仲未有麥麥送... = ="

    無酒精既酒...其實係咪..提子汁?

    珮夫人

    回覆刪除
    回覆
    1. 真係唔知係乜味,有機會見到我都想試試.

      刪除
  18. 麥當當都係即場食好食d...凍左薯條又淋

    回覆刪除
  19. 響倭国既外賣。。
    老麦(要order一定金額以上、就有delivery service, 我係用smart phone apps order既)
    仲有pizza各社、寿司各社、日式鉄釜飯、中華料理、意大利pasta専門店、当然好吾好食就係別論。
    現在日本都有好多無糖、無酒精既Beer賣緊、有d係好難飲既!

    回覆刪除
  20. 呢架車係香港無可能攞到牌既!

    回覆刪除
    回覆
    1. 呢D電動車,當正私家車或電單車咁出牌架! 又乜野首次登記等等等等⋯

      刪除

入咗嚟,不如寫幾隻字,留個言啦.