Gang keow wan gai青咖喱雞

資源共享呢個觀念我覺得好好。好似我屋企附近嘅open library (係畀人放舊書嘅書櫃)，你有唔要嘅書可以拎去，啱嘅你可以拎走。我時不時都去睇吓有乜書啱使。最近我攞咗本泰菜食譜。

書中嘅相片土咗一啲，冇所謂啦. 試咗一個簡單嘅青咖喱雞。

400g 雞胸切條，一小樽竹筍切條，兩湯匙青咖喱，一罐椰奶，兩湯匙魚露，一湯匙糖(已減糖)。
五湯匙椰奶面頭嘅fat,同青咖喱加入鑊中煮。然後落雞胸同竹筍，倒埋餘下嘅椰奶。魚露，糖調味。上碟時放上九層塔同紅甜椒絲。

家中盆九層塔第二輪出嘅葉仲係好細，所以煮時我用咗乾貨。上碟時用basil代替。今次我醃咗啲雞肉先, 而有跟食譜嘅話會好甜，自己再調味㗎要。