雜記x3

6月26 維也納名店街（舖租全國最貴嘅地段）搞咗個Pic Nic in the City. 市民可以自攜食物or幫襯買野餐食物籃。

食物籃都係附近食肆提供。。。可想而知唔會平。最平24歐,最貴嘅一個要70歐，但唔知夠幾多個人食喎.

 野餐區都幾優雅嘅。有枱仔提供擺食物。

仲有音樂聽。

6月28  呢晚去咗Stockerau睇話劇. 有兩位演員反傳統喺台前化妝。

劇目改篇自意大利劇作家Carlo Goldoni喺1746年寫嘅Servant of Two Masters。
https://en.wikipedia.org/wiki/Servant_of_Two_Masters

可能個故事關係套入唔到廿一世紀,背景都係古時威尼斯冇變。但係加入咗少少現代元素（衣服，舞步）。

我冇做定功課，場刊又冇故事內容喎. 咁問友人乜本場刊咁㗎。佢話呢個故事個個都喺學校讀過,仲邊使介紹㗎。可憐我呢個嚟自文化沙漠嘅香港人開頭真係唔多知佢哋做梗乜.

睇睇吓get到個故事後就覺得幾好笑嘅。

7月1 屋企附近年年都有個Freihausviertelfest, 其中一條街係Thai-festival.

年年係咁相唔影太多. 好耐冇見嘅榴槤，開咗嘅一盒賣16歐(最前嗰盒)。好彩呢樣嘢我只係聞,唔食嘅啫.

另外一條街。

葡國餐廳。佢嘅葡撻好好食㗎，但係今次冇買。